Sunday, July 5, 2009

Tsunami Dos Mil Cuatro

Si harárom asin maimbóng
na kadagatán kan Asya sa Sur
enocente tonínong asin daing giróng
apwera kan Deciembre Dos Mil Sinco.

Napurísaw gayód,
nguminorób-ngurob, nagribók!
nagpadangóg...
dumán sa irárom nag-angul nin makusóg!

Daing siring baga si angót
naghangos nin harárom dangan huminagomhóm
sa kahiwásan ruminuab, huminaklób
duminasmág sa kadagaân nin daing pakilábot!

Pag-abot sa baybáyon, rapás! dapang!
pati si mga pananóm saka istáran,
ginarabâ, pagkabuhay pinárà
buhay nin tawo, daing itinadâ. (5/5/05)

No comments:

Post a Comment