nagpapataragásan
an nagbuburok-burok
na tulák, saká an
matapóng beinte pesos
kun siisáy an matágal--
na daí makatalingkás
sa labót na bitúka
sagkód bàbang bulsá
daí matitíos kan kwarta
an kagutóman, alágad
bakô an, kapasloán
sa pirak kan hawak
Showing posts with label rawitdawit. Show all posts
Showing posts with label rawitdawit. Show all posts
Wednesday, March 17, 2010
Saturday, February 13, 2010
Paghamil sa Sadiring Lustab
Pinúgol kong iluwâ
an sakóng laway na sakô
kutâ nang ikukuspâ
Asín nangágin akóng
sarô sa saindá--
dustâ!
Nagtataragók
kun nakakaparóng--
manàgom.
an sakóng laway na sakô
kutâ nang ikukuspâ
Asín nangágin akóng
sarô sa saindá--
dustâ!
Nagtataragók
kun nakakaparóng--
manàgom.
Friday, February 5, 2010
An Lagayláyan
An lagayláyan bàgo magdiklóm, marumárommga pangadyíon nangangapódan, naglaláom
sa pagdatóng kan banwáan, nagpapagiromdóm
Nagkakaralay-kalay, nakasarabláy
banderitas nin duwáng kulay, tagawaráng bubláy
putî, bugháw, inirorokyáw an Mariang wayáway
Makobál na palitadang nakokodalan nin palàpâ
may duwáng linyang palabà, putíng ekis na dakulà
pantandâ sa waláng bitís, mga matáng natutungkâ
Sinurogpón na mga telon, iyóng pamandóng
lindóng kan mga paradalán asín dadalanón
itóm na krus sa gapóng arko nakasírong
Retrato ni Greg Sto. Tomas
Saturday, January 30, 2010
Kinsenas-Kataposan
Oróg na nadadangóg
an matanóg na tingog
nin si bàgong magdatóng
na sweldong sensilyohon
kinse man na maghápon
kun pagtipon-tipónon
Alágad daíng giróng
abáng hamót pagparong-
paróngon, abáng lagtóng
pagkirisì-kisíon
kan kokobrahon lambáng
Kinsenas-Kataposán
an matanóg na tingog
nin si bàgong magdatóng
na sweldong sensilyohon
kinse man na maghápon
kun pagtipon-tipónon
Alágad daíng giróng
abáng hamót pagparong-
paróngon, abáng lagtóng
pagkirisì-kisíon
kan kokobrahon lambáng
Kinsenas-Kataposán
Thursday, January 14, 2010
Apat na Gatos na Taon na Nakagamot sa Oosipon
"¿Que lugar este?"
"Kanâ man."
Olay
Osip
Olay-olay
Osip-osip
Orólay
Orósip
Oroorólay
Oroorósip
Orolay-olay
Orosip-osip
Olayón.
Osipón, orosipón, oosipón.
"Kanâ man."
Olay
Osip
Olay-olay
Osip-osip
Orólay
Orósip
Oroorólay
Oroorósip
Orolay-olay
Orosip-osip
Olayón.
Osipón, orosipón, oosipón.
Saturday, November 28, 2009
Palatakot sa Aki nin Paraoma
Hilngá an saíyang, badò ta ronotnótPag-arado ka'yáng, paraómang boktót
Entero saíyang, nagpuruporópot
Si idtóng doot na, mataróm na pangkót
Hilngá an saíyang, murô ta porotpót
Pagtarók kaiyáng, paraómang boktót
Sya tinarakóhan, nin duron asín luktón
Irinotán sindáng, an kamót otòton
Hilngá an lawas nya, ta biyóng garatók
Pag-ani kaiyáng, paraómang boktót
Kinamangán sya kan, hibong 'nasarokrók
Sa singit abót sa, saíyang lusabót
Hilngá an angog ta, paráting ngurosdót
Hilngá an dungô ta, nag-aaratóot
Hilngá an ngipon ta, biyóng nagrarágot
Dangá an tulák ta, labí an pagpòngot
Retrato ni Melvin Rosales
Saturday, November 14, 2009
Basketbolabog
Thursday, November 12, 2009
Baoong Bagolbolan
Saróng baóong bagolbólan
Kamamalígan kinakamáng
Nagbababágtas sya sa Salog
Parikpík tagbás, sagkód liog
Sa boól kan Isarog gikan
Pasisíring sa may Sulnopan
Gobgób na Magaráw an baktót
Sa ikog, Halas nagporópot
Lìmáwan iyó an bangbángan
Lamô-lamò an angog, daghán
Pandamóy an preskong tubig
Haling danaw, digdí naghílig
Payó-payo kaníng baóo
An San Nicolas, San Juan, Palo
Mga marigmát na tagabantáy
Hutok laban sa 'nasalákay
Sa hawak patin kalág tarós
Sa sulóng Poro buminusbós
Dagos sa Dinagaáng Pampang
Nagtúbò an pagtobód dumán
Haróng-harong kaníng baóo
Talidtid, San Roque, Fundado
Pansagáng sa katibaádan
Sa baskóg kan Kagagaráwan
Sa bulód na Tarutakólod
Tulák na ginuguyód-guyod
Sa padugkol-dugkól rurúngas
Piris nin Suhà an pampúnas
Ikim an Iquin, Mangayawan
Kan bikóng Salog, piglikayán
Pansagwán kainíng pawíkan
Tinagbás atà nang bagolbólan
Kamamalígan kinakamáng
Nagbababágtas sya sa Salog
Parikpík tagbás, sagkód liog
Sa boól kan Isarog gikan
Pasisíring sa may Sulnopan
Gobgób na Magaráw an baktót
Sa ikog, Halas nagporópot
Lìmáwan iyó an bangbángan
Lamô-lamò an angog, daghán
Pandamóy an preskong tubig
Haling danaw, digdí naghílig
Payó-payo kaníng baóo
An San Nicolas, San Juan, Palo
Mga marigmát na tagabantáy
Hutok laban sa 'nasalákay
Sa hawak patin kalág tarós
Sa sulóng Poro buminusbós
Dagos sa Dinagaáng Pampang
Nagtúbò an pagtobód dumán
Haróng-harong kaníng baóo
Talidtid, San Roque, Fundado
Pansagáng sa katibaádan
Sa baskóg kan Kagagaráwan
Sa bulód na Tarutakólod
Tulák na ginuguyód-guyod
Sa padugkol-dugkól rurúngas
Piris nin Suhà an pampúnas
Ikim an Iquin, Mangayawan
Kan bikóng Salog, piglikayán
Pansagwán kainíng pawíkan
Tinagbás atà nang bagolbólan
Sunday, November 8, 2009
Clemente Alejandria
Clemente Alejandria (Nov. 23, 1895 - Oct. 7, 1981)
Iníng si Clemente, na Alejandria
hilíg an musica, matíbay na poeta
sarô man na pandáy, asín paratienda
tataóng mag-violin, paraguibóng canta
Siyá namundág can, Noviembre Beinte Tres
Taon Dece Ocho, Noventa y Saiz
Tubò nin Dinaga, sa banuáng Canaman
Qui Victoria asín, Geronimo guican
Sa patiribayán, pagsurat-osipón
Paniki nyang tocdâ, iyó an nagcampeon
Dauà daí sya nin, halangcáo na adal
Maitatampád qui, Rosalio Imperial
Mi Ultimo Adios, na Binicól niyá
Nagcamtán nin premio, iyóng nagseconda
An sarô sa mga, cantang composicion
Ika An Ilaw Ko, tugtóg Danza Menor
Douá an saíyang, duláng panteatro
An enot iyó an, Prinsipe Lizardo
Dangan an sarô pa, Prinsipe Fernando
Alagád daí nang, copia kainíyo
Mga rauitdáuit, nyang iquinabisto
Pag-aroanggoyong, an Estrella del Sur
Sa Madaling Usip, an An Barongbarong
Paglanat Nin Puso, an An Mga Kahoy
Nangagruluwás sa, mga babasahón
An saíyang guibong, mga composicion
Sa Bicolandia, Sanghiran Nin Bikol
Calendariong Bicol, asín Bicolnon
Octobre Siete can, siyá binauían
Nin saíyang buhay, ni Cagurangantá
Sa saíyang baól, iyóng naducayán
Mga tocdáng canta, asín mga poesia
Hihilingán:
Ramon Olaño, retrato ni Clemente Alejandria kaiba siya
Mga contributor kan Wikipedia, Clemente Alejandria, Bikol Wikipedia 2009Danilo Gerona, Canaman Through Four Centuries 2008
Sunday, November 1, 2009
Negosyo ni Kipot
Anóm na babae, saróng lalaki:
Si matuá, kinuá tulos kan Kagurangnantá
Si ikaduwá, duwáng semana si obra-suka
Si ikatuló, bugók si sugok
Si ikalimá, sobrang gama-gamá. 'to na!
Siring kan si sinundán, nagpatandán sa saúdan
Si ikaanóm, hinàbón pag durudiklóm
An unico hijo, luminaóg nin seminaryo
Pyerde an negosyo.
Si matuá, kinuá tulos kan Kagurangnantá
Si ikaduwá, duwáng semana si obra-suka
Si ikatuló, bugók si sugok
Si ikalimá, sobrang gama-gamá. 'to na!
Siring kan si sinundán, nagpatandán sa saúdan
Si ikaanóm, hinàbón pag durudiklóm
An unico hijo, luminaóg nin seminaryo
Pyerde an negosyo.
Wednesday, September 23, 2009
Google Advertisement
Tigsik ko iníng si Irvin
Pùngot, langkág sa limós kan mga bisita
kan blog na pigbílog para saímo saná
Kayâ palán pabandying-bandying
Nagbábatî sa maúuyó, mapápasaláng maglagatík
maúuyám sa kulang sa atensyón na mga advertisement
Ta dolyar an earnings
Hugóp-hugóp an kaenót-enóteng cheke
tangárig ipambakál bulóng sa tungkâ
Pùngot, langkág sa limós kan mga bisita
kan blog na pigbílog para saímo saná
Kayâ palán pabandying-bandying
Nagbábatî sa maúuyó, mapápasaláng maglagatík
maúuyám sa kulang sa atensyón na mga advertisement
Ta dolyar an earnings
Hugóp-hugóp an kaenót-enóteng cheke
tangárig ipambakál bulóng sa tungkâ
Thursday, August 27, 2009
Kauumahan sa Bawà
The Bicol River is eating the riverbank and a foreign-funded government project was not able to stop it. -Kaiba News and Features

Ta binàták, tinagâ, saíyang girà
Si Kulákog na nagpatabâ kan dagâ
Logód, sológ kun taob oróg nag-ísog
Daíng kasoróg dawà dosók nyang bàsog
Handál an dará kan pagdákit kan dagat
Tulák kan Bawà an 'nasapà kan haldát
Nakalingáw na aldáw pinaghihídaw
Kaidtóng si kauumahán nya buláw (8/28)

Ta binàták, tinagâ, saíyang girà
Si Kulákog na nagpatabâ kan dagâ
Logód, sológ kun taob oróg nag-ísog
Daíng kasoróg dawà dosók nyang bàsog
Handál an dará kan pagdákit kan dagat
Tulák kan Bawà an 'nasapà kan haldát
Nakalingáw na aldáw pinaghihídaw
Kaidtóng si kauumahán nya buláw (8/28)
Gikan sa Canaman.info an ladawan
Saturday, July 11, 2009
An mga Para-Lagaylay
Sarabáy-sabay, riribáy-ribaymga darágang harampáng, taraytáy
panatà an buhay sa pagbayle nin lagayláy
Mga tabáy, sara-sarabláy
sarabáy sa pagsaysáy kan si pagkadukáy
ni Sta. Elena kan krús ni Hesus na nagbaraybasáy
Mga habáyan, tara-tarabyón
pagpoón kan banggíng balanákon, maliwanágon
an bulan, ipigrorokyáw saimóng lalawgón
Saradít na mga bitís, swelas kiri-kiriskís
gobing kan mga paraduyág, panampáran, respondes parádis
sa ikawalóng beses, boses kan Elena oróg na pinakamahamís
Ritrato gikan sa Flickr
An mga Paradalan nin Para-Lagaylay
tangárig an saindáng mga darága ipámidmíd
ipig-andam sa krus sagkód pagtaráid
Arádong sa lambáng ibóng
kamagurángan, magtororógang, koronkón
sa hampáng kan antár, yaon an enterong haróng
Rimong-rimóng kan mga ngimot, tadóm
gobing sa walong bangging dadalanón, giromdóm
kan mga matáng panô nin pag-atom
Tirirípon, aragítong an mga agit-agitán
bàgong lalawgón, kaakian iribánan sa bangbángan
Mantáng sa palíbot, palís-palis an manlaen-láen na paradalán.
Ritrato gikan sa Flickr
Sunday, July 5, 2009
Puting Polo
Putíng polo na gurànóhon
Atà na minsan man lang sùlotón
Naglilíhis an panahón
Luhay-lúhay man na naglálàtóm
Si mapolót na mantíkà dumán naglapaták
Ruminukrók, kuminamáng siring kan wágak
Iníng polo na dai tulós-túlos na naibábad
Malà ta an nagyéyelo-yelóng likidong mantsá
duman na nagtusmág
Taklâ kan tubig na ginagámit paglabá nakikisàbít pa bagá
Kurosò-kusóon, dagpukón man mag-âga
Garó aking sirò-siruôn
Dawà mo harumálon daing giróng-gírong
Pinirísan na nin ribó-ribong lemonsíito
Ibinábad na sa saróng planggánang sukà
Pignusnusán na nin tagók nin ibà
Dai man giráray mawarà-wárà
An mga digtáng dará man saná kan sakóng pagkadaínlikáy. (2/23/05)
Atà na minsan man lang sùlotón
Naglilíhis an panahón
Luhay-lúhay man na naglálàtóm
Si mapolót na mantíkà dumán naglapaták
Ruminukrók, kuminamáng siring kan wágak
Iníng polo na dai tulós-túlos na naibábad
Malà ta an nagyéyelo-yelóng likidong mantsá
duman na nagtusmág
Taklâ kan tubig na ginagámit paglabá nakikisàbít pa bagá
Kurosò-kusóon, dagpukón man mag-âga
Garó aking sirò-siruôn
Dawà mo harumálon daing giróng-gírong
Pinirísan na nin ribó-ribong lemonsíito
Ibinábad na sa saróng planggánang sukà
Pignusnusán na nin tagók nin ibà
Dai man giráray mawarà-wárà
An mga digtáng dará man saná kan sakóng pagkadaínlikáy. (2/23/05)
Tsunami Dos Mil Cuatro
Si harárom asin maimbóng
na kadagatán kan Asya sa Sur
enocente tonínong asin daing giróng
apwera kan Deciembre Dos Mil Sinco.
Napurísaw gayód,
nguminorób-ngurob, nagribók!
nagpadangóg...
dumán sa irárom nag-angul nin makusóg!
Daing siring baga si angót
naghangos nin harárom dangan huminagomhóm
sa kahiwásan ruminuab, huminaklób
duminasmág sa kadagaân nin daing pakilábot!
Pag-abot sa baybáyon, rapás! dapang!
pati si mga pananóm saka istáran,
ginarabâ, pagkabuhay pinárà
buhay nin tawo, daing itinadâ. (5/5/05)
na kadagatán kan Asya sa Sur
enocente tonínong asin daing giróng
apwera kan Deciembre Dos Mil Sinco.
Napurísaw gayód,
nguminorób-ngurob, nagribók!
nagpadangóg...
dumán sa irárom nag-angul nin makusóg!
Daing siring baga si angót
naghangos nin harárom dangan huminagomhóm
sa kahiwásan ruminuab, huminaklób
duminasmág sa kadagaân nin daing pakilábot!
Pag-abot sa baybáyon, rapás! dapang!
pati si mga pananóm saka istáran,
ginarabâ, pagkabuhay pinárà
buhay nin tawo, daing itinadâ. (5/5/05)
Tuesday, March 24, 2009
Google Adsense
Pùngot, langkág sa limós kan mga bisita
kan blog na pigbílog para saimo saná
Nagbábatì sa mauuyó, mapapasalang maglagatík
mauuyam sa kulang sa atensyon na mga patalastás
Hugóp-hugóp na makobrá an kaenot-enoteng cheke
tangarig ipambakál bulóng sa tungkâ (3/25/09)
kan blog na pigbílog para saimo saná
Nagbábatì sa mauuyó, mapapasalang maglagatík
mauuyam sa kulang sa atensyon na mga patalastás
Hugóp-hugóp na makobrá an kaenot-enoteng cheke
tangarig ipambakál bulóng sa tungkâ (3/25/09)
Friday, March 20, 2009
Honorable Mention
Ngonyan na Marso mapaso
Mayong kaso ta pasado
An kaso, pasador mápasó
Igwa nin bàgong sertipiko
Ngonyan na Marso mapaso
Mayong kaso kun pasado
En kaso, pasador mápasó
Igwang tropeo ki maestro
Ngonyan na Marso mápasó
Mayong serbe maskí pasado
An kaso, an resulta positibo
Igwang koronang may laso
Mayong kaso ta pasado
An kaso, pasador mápasó
Igwa nin bàgong sertipiko
Ngonyan na Marso mapaso
Mayong kaso kun pasado
En kaso, pasador mápasó
Igwang tropeo ki maestro
Ngonyan na Marso mápasó
Mayong serbe maskí pasado
An kaso, an resulta positibo
Igwang koronang may laso
Wednesday, March 18, 2009
Makonswelong Pasko Dos Mil Ocho
Ibá man sa mga nakaaging Pasko
Sa maswerteng numero nongód na gayo
Kun kaidtó, pirmi nang an pasko tuyô
Ngonian na taon, “Totoo na ini yo!”
Uya na an mapuláng keso de bola
Ta kayang-kaya na man ngaya kan bulsa
-Bakô pating one-fourth o kabangâ saná
“Cheeze man lang palan. Pinatos nin kandilà!”
Makauumoy na man daw an sphagetti
Taon-taon na saná, pirming presente
Sa carbonarang igwang sauce na maputi
Sa parong oróg sa namit, abáng pwerte!
“Napasain si koblít tapos si tòlang?”
“Atang giniling… binilog… pinaalang!”
Iba-ibang simbag asin kahapotan
“Hamon de bola sagkod spam, pareho man lang?"
Igwa pa nin pandolceng potato salad
Para sa mga nakanamit na, isnab
Sa mga bàgo sa pandangog, sus takad
“Puro baga patatas? Iyo man nanggad.” (12/25/08)
Sa maswerteng numero nongód na gayo
Kun kaidtó, pirmi nang an pasko tuyô
Ngonian na taon, “Totoo na ini yo!”
Uya na an mapuláng keso de bola
Ta kayang-kaya na man ngaya kan bulsa
-Bakô pating one-fourth o kabangâ saná
“Cheeze man lang palan. Pinatos nin kandilà!”
Makauumoy na man daw an sphagetti
Taon-taon na saná, pirming presente
Sa carbonarang igwang sauce na maputi
Sa parong oróg sa namit, abáng pwerte!
“Napasain si koblít tapos si tòlang?”
“Atang giniling… binilog… pinaalang!”
Iba-ibang simbag asin kahapotan
“Hamon de bola sagkod spam, pareho man lang?"
Igwa pa nin pandolceng potato salad
Para sa mga nakanamit na, isnab
Sa mga bàgo sa pandangog, sus takad
“Puro baga patatas? Iyo man nanggad.” (12/25/08)
Subscribe to:
Posts (Atom)




