Posts
pakatapos magbilar sa nagpaaram na barkada
salámat bitóon
sa silyáb na iginirà mo
sa kalangítan kan banggí
masirám na pamatì
magaya-gayang pagmatì
sa pagromdóm kan hamís
mantáng naghihídaw
an sakóng kinàban
na kaidtó saímo man
dai nin pagkalangkág
an sakóng kalág, ta iká
nakapulî na mantáng akó
papulì na man
Subscribe to:
Post Comments (Atom)
No comments:
Post a Comment