Kinsenas-Kataposan

Oróg na nadadangóg
an matanóg na tingog
nin si bàgong magdatóng
na sweldong sensilyohon
kinse man na maghápon
kun pagtipon-tipónon

Alágad daíng giróng
abáng hamót pagparong-
paróngon, abáng lagtóng
pagkirisì-kisíon
kan kokobrahon lambáng
Kinsenas-Kataposán

Apat na Gatos na Taon na Nakagamot sa Oosipon

"¿Que lugar este?"
"Kanâ man."

Olay
Osip
Olay-olay
Osip-osip
Orólay
Orósip
Oroorólay
Oroorósip
Orolay-olay
Orosip-osip
Olayón.
Osipón, orosipón, oosipón.